हेमन्त प्रकाश वली ।
श्रावण-२६,दाङ।
दाङको घोराहीमा श्रावण २४ र २५ गते म्यारिड क्लबले आयोजना गरेको तेस्रो म्यारिड कप फुटसल प्रतियोगिता सम्पन्न भएको छ।
पुस महिनामा संचालन हुने प्रतियोगिता भएतापनी मृगौला पीडित र क्यानसर पीडितको सहयोगार्थ भन्दै केही समय अघि नै प्रतियोगिता संचालन गर्नुपरेको आयोजक म्यारिड क्लबले जनाएको छ। कुल १६ टिमले सहभागीता जनाएको खुल्ला फुटसल प्रतियोगीताको उपाधी चौघेरा फुटसल टिमले जितेको थियो।२५ गते संचालन भएको फाइनल खेलमा चौघेराले ढोडेनी फुटसल टिमलाइ पराजित गर्दै उपाधी जितेको हो।जितसंगै चौघेराले ट्रफीसंगै नगद रु.२० हजार,मेडल र प्रमाणपत्र जितेको थियो भने उप-विजेतामा चित्त बुझाएको ढोडेनिले नगद रु.१० हजार,मेडल र प्रमाणपत्र प्राप्त गरेको थियो।
साथै उक्त प्रतियोगिताको सम्पुर्ण खर्च कटाएर आन्द्राको क्यानसर र मृगौला पीडितलाई सहयोग गरिएको बिश्वसन बचाउ अभियानका अभियान्ता भ्युमान पुनले जानकारी दिए। पुर्वी रुकुम घर भइ हाल घोराही-१४ मा बसि अध्यन गर्दै आएका मृगौला पीडित बिश्वसन बुढा र घोराही-१२ निवासी आन्द्राको क्यानसर पीडित नर बहादुर बुढाको उपचारार्थ नगद रु.२०७१०।- नगद प्रदान गरिएको थियो।उक्त प्रतियोगिताको मुख्य प्रायोजन द ब्रेभ गोर्खा ट्रेनिङ सेन्टर घोराहीले गरेको थियो।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१५ फाल्गुन २०८० ०७:२०
३ भाद्र २०८० २०:३७
६ भाद्र २०७९ २२:१३
©Copyright©2021-2025 शहिद महान स्मृति संचार गृह प्रा.ली.
