घोराही, १७ चैत । नेपाल कम्युनिस्ट पार्टी पूर्वी दाङका सेक्रेटरी जनक सीले पार्टीका सल्लाहकार मोतीराम गौतमको असामयिक निधनले पार्टी र जनतालाई स्तब्ध बनाएको बताएका छन् ।
पार्टीका पूर्वी दाङका सेक्रेटरी जनक सीले आज शुक्रबार एक शोक वक्तव्य जारी गर्दै दाङ पार्टीका सल्लाहकार तथा अभिभावक गौतमको निधनले सिंगो पार्टीलाई अतुलनीय क्षति पुगेको बताएका छन् ।
पार्टीका सेक्रेटरी जनक सीले जारी गरेको शोक वक्तव्यमा भनिएको छ -` हाम्रो जनप्रिय पार्टी नेपाल कम्युनिष्ट पार्टी दाङ जिल्ला सल्लाहकार, प्रबासी नेपाली जनसमाज भारतका पूर्व महासचिव क. मोतीराम गौतम बिगत लामो समयदेखि क्यान्सर रोगबाट पीडित हुनुहुन्थ्यो । मिति २०७९।१२।१६ गते बेलुका करिब ५ बजे घोराही – ४ सोनपुर दाङ स्थित आफ्नो निवासमा भएको उहाँको निधनले सिङ्गो पार्टीलाई अतुलनिय क्षति पुगेको छ ।´
दाङ जिल्ला कमिटीका अभिभावक मोतीराम गौतम ६३ बर्षको उमेरमा भएको असामयिक निधनले हामी अत्यन्त दुःखीत एवम मर्माहत भएका छौं । यस दुःखको घडीमा कमरेड मोतीराम गौतमप्रती भावपूर्ण श्रद्धाञ्जली अर्पण गर्नुका साथै शोकसन्तप्त घरपरिवार आफन्तजनहरूमा हार्दिक समवेदना प्रकट गरेको कुरा नेकपा पूर्वी दाङका सेक्रेटरी जनक सीले जारी गरेको शोक वक्तव्यमा उल्लेख छ ।
यस्तै आजै दिवंगत गौतमको अन्त्येष्टि गरिएको छ । अन्त्येष्टिमा नेकपाका केन्द्रीय सदस्यहरु सम्झना सी , प्रदिप सी , बिक्रम सी , पार्टीका जिल्ला स्तरीय नेता-कार्यकर्ताहरुको सहभागीता रहेको थियो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२९ असार २०८० १८:२४
१८ कार्तिक २०८० १६:२५
१८ पुष २०८० १८:४७
२१ श्रावण २०७९ ११:४१
©Copyright©2021-2025 शहिद महान स्मृति संचार गृह प्रा.ली.
