घोराही । दाङको घोराही उपमहानगरपालिका अन्तर्गतका विद्यालयहरुमा आगामी शुक्रबारसम्म पठनपाठन बन्द रहने भएको छन। आजसम्म पठनपाठन स्थगित गरिएको भए पनि अत्यधिक गर्मीका कारण विदा थप गरिएको हो ।
यसअघि जेठ २६ गतेदेखि ३१ गतेसम्म गर्मी बिदा गरेको घोराही नगर प्याब्सनले आज एक विज्ञप्ति जारी गरी शुक्रबारसम्म बिदा थपेको जानकारी दिएको छ । संस्थागत विद्यालयहरु जेठ २६ बाटै बिदा भए पनि सामाजिक विकास महाशाखा घोराहीले जेठ २८ गतेदेखि आगामी शुक्रबार असार १ गतेसम्म गर्मी विदा दिएको थियो ।
अब घोराहीका सामुदायिक तथा संस्थागत विद्यालयहरुमा असार ३ गते आइतबारबाट पठपाठन हुने भएको छ । नेपालमा अझै मनसुन भित्रिनसकेको र लामो समयदेखि दाङमा पानी नपरेका कारण गर्मी अत्यधिक बढ्दै गएको छ । गर्मीका कारण जनजीवन कष्टकर बन्दै गएको छ । अत्यधिक गर्मीमा बाहिर ननस्किन, घरभित्रै बस्न र बाहिर निस्कन परे पनि गर्मी कम भएको समयमा छाता प्रयोग गरेर मात्र निस्कन चिकित्सिकहरुले सुझाएका छन् ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
३० श्रावण २०८० २२:४८
१० फाल्गुन २०७९ १४:२३
©Copyright©2021-2024 शहिद महान स्मृति संचार गृह प्रा.ली.
