झापामा नेकपाले राख्यो उजुरीपेटिका, समस्या परे उजुरी गर्न अनुरोध
झापा: नेपाल कम्युनिस्ट पार्टीले झापाको शिवसताक्षी नगरपालिकामा जनताको गुनासो/समस्या र उजुरी लिनको लागि उजुरी पेटिका राखेको छ । जनताले उजुरी गर्न पार्टीलाई सम्पर्क गर्न अझै सहज होस् भनेर उक्त उजुरी पेटिका राखेको नगर इन्चार्ज खेम सीले बताएका छन् ।
उजुरी पेटिका राख्ने कार्यक्रम पार्टीका झापा जिल्ला सेक्रेटरी संजय सीको उपस्थिति थियो । कार्यक्रममा बोल्दै संजय सीले जनताहरुबाटै हामी कहाँ समस्याहरु राख्ने सहज स्थान बनाइदिन भनेपछि यो कदम चालिएको बताए । उनका अनुसार झापाका विभिन्न सार्वजानिक स्थानमा उजुरीपेटिका राख्ने योजना रहेको छ । अब केही समस्या परे जनताले यस उजुरी पेटिकामा उजुरी दिन सक्ने बताएका छन् । भ्रस्टाचार, बेथिति, अन्याय, शोषण आदि समस्या परे उजुरी हाल्न संजयले जनतालाई अपिल गरेका छन् । उनका अनुसार उजुरी पेटिका राख्ने कार्य झापाको १५ वटै स्थानिय तहमा हुनेछ ।
उक्त कार्यक्रममा नगर समितिका सेक्रेटरी डिल्ली, जिल्ला सदस्य राम सी लगायतको उपस्तिथि रहेको नगर इन्चार्ज खेम सीले बताए
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२८ श्रावण २०७९ ०८:०२
५ असार २०८१ ०७:३२
©Copyright©2021-2024 शहिद महान स्मृति संचार गृह प्रा.ली.
