बसन्त विक
काठमाडौँ: क्रान्तिकारी कम्युनिष्ट पार्टी नेपालका प्रवक्ता कञ्चनले एमसीसीका दलालहरुलाई सिंहदरबारको कुर्सीबाट सडकमा फाल्नुपर्ने बताएका छन् । नेपाल कम्युनिष्ट पार्टीसहित चार दलको आयोजनामा आज काठमाडौँमा भएको एमसीसी कार्यान्वयन विरुद्धको विरोध प्रदर्शनपछिको कोणसभालाई सम्वोधन गर्दै नेता कञ्चनले यस्तो बताएका हुन् ।
उनले संसदबाट पारित गरिएको व्याख्यात्मक टिप्पणी नाटक मात्र भएको भन्दै त्यो पनि अमेरिकी डिजाइनमा ल्याइएको बताए ।
नेता कञ्चनले चीन घेर्ने, आतंक मचाउने, भारतलाई नियन्त्रण गर्ने र नेपालमा सैन्य अखडा राख्ने उद्देश्यले नेपालमा एमसीसी आएको बताए ।
उनले एमसीसीका कुनै पनि प्रावधान नेपालको हितमा नभएको भन्दै पूर्ण रुपमा खारेज गरिनुपर्ने तर्क गरे । नेपाली आमाको कोखमा विदेशी दलालहरु जन्मिएको बताउदै नेता कञ्चनले साम्राज्यवाद र उसका दलालहरु विरुद्ध संघर्षको विकल्प नभएको बताए । माईतिघर मण्डलावाट सुरु भएको विरोध प्रदर्शन ववरमहल नजिक पुगेर कोण सभाममा परिणत भएको थियो । नेपाल कम्युनिष्ट पार्टी,क्रान्तिकारी कम्युनिष्ट पार्टी नेपाल,वैज्ञानिक समाजवादी कम्युनिष्ट पार्टी नेपाल र ऋषि कट्टेल नेतृत्वको नेकपा सहित चार दलको आयोजनामा विरोध प्रदर्शन भएको थियो । प्रदर्शनमा चारै दलका प्रमुख नेताहरुको सहभागिता रहेको थियो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१६ असार २०८० १२:५७
१४ पुष २०७८ ०८:३७
११ फाल्गुन २०८० २०:२४
©Copyright©2021-2025 शहिद महान स्मृति संचार गृह प्रा.ली.
