रुकुम पश्चिम, २० भदौ । रुकुम पश्चिममा सर्पको टोकाईबाट २ महिलाको मृत्यु भएको छ । जिल्लाको चौरजहारी नगरपालिका १३ रातामाटाकी २२ वर्षिया सुत्केरी विनिता ओली विष्ट र सानीभेरी गाउँपालिका १ की ६१ वर्षिया गंगी पुनको मृत्यु भएको जिल्ला प्रहरी कार्यालय रुकुम पश्चिमले जानकारी दिएको छ । प्रहरीका अनुसार सुत्केरी २२ वर्षिया विष्टलाई हिजो मगंलबार दिउँसो बारीमा घाँस काट्ने क्रममा सर्पले टोकेको थियो भने हिजो राती नै विष्टले छोरीलाई जन्म दिनुभएको थियो । रक्तस्राव नरोकिएपछि उपचारको लागि चौरजहारी अस्पताल लगिएको थियो । सर्पको विष शरिरमा फैलिएको र रक्तस्रावका कारण आज विहान मुत्यु भएको हो ।
शिशुको पनि अवस्था गम्भिर रहेको छ । शिशु जन्मने अवधि कात्तिक महिना भएपनि समय नपुग्दै शिशुको जन्म भएको हो । यस्तै गंगी पुनलाई भने सर्पले भदौ ४ गते नै टोकेको थियो । उनलाई चौरजहारी अस्पताल हुँदै थप उपचारका लागी प्रादेशिक अस्पताल सुर्खेत लगिएको थियो । अस्पतालबाट गाउँमै उपचार गर्ने भनेर घरपरिवारले घर ल्याएको ४ दिनपछि पुनको हिजो घरमै मृत्यु भएको हो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२७ जेष्ठ २०८० १८:२५
२८ बैशाख २०८० १७:१७
©Copyright©2021-2024 शहिद महान स्मृति संचार गृह प्रा.ली.
