कार्तिक १३ , तुलसीपुर । दाङको तुलसीपुरमा नेत्रविक्रम विप्लव सी नेतृत्वको नेपाल कम्युनिस्ट पार्टीका नेताकार्यकर्ताहरुले धान भित्र्याउने कार्य सुरु गरेको छन् ।
पार्टीको आत्मनिर्भर बन्ने नीति अन्तर्गत तुलसीपुर स्थित कन्ज्वारमा करिव डेढ बिगाहा जमिनमा पार्टीले लगाएको धानबाली भित्र्याउन थालेको नेकपाले जानकारी दिएको छ ।
सोमबारदेखि धान भित्र्याउने कार्य सुरु गरेको नेकपाले जनाएको छ ।
नेकपाले आत्मनिर्भर पार्टी,आत्मनिर्भर नेता र कार्यकर्ताको नीति अनुसार देशभर उत्पादनको कार्य गरिरहेको छ । जसअनुसार केन्द्रीय उत्पादन विभाग,व्यूरो र जिल्ला तहमा विभिन्न उत्पादन टिम बनाएर धान उत्पादनको कार्य गरिरहेको छ ।
नेकपा पश्चिम दाङले पनि तुलसीपुरमा मकै खेती , धान खेती लगाएत अन्य कृषि उत्पादनको कार्यलाइ व्यवस्थित ढंगले अगाडि बढाएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2024 शहिद महान स्मृति संचार गृह प्रा.ली.