दाङ, १५ कार्तिक । दाङमा पिकअपले मोटरसाइकललाई ठक्कर दिँदा एक जनाको मृत्यु भएको छ भने अर्का एक जनाका घाईते भएका छन् । पिकअपको ठक्करबाट मोटरसाइकल चालक राजपुर-२ बेला निवासी २१ वर्षीय श्रवण यादवको घटनास्थलमै मृत्यु भएको हो ।
ठक्करबाट सोही ठाउँ निवासी २६ वर्षीय सबिना यादव गम्भिर घाईते भएको जिल्ला प्रहरी कार्यालय दाङका प्रहरी प्रवक्ता डिएसपी जनक बहादुर मल्लले जानकारी दिनुभयो ।
किराना सामान बोक्ने लु ३ च ३८५३ पिकअपले राजपुर गाउँपालिका-२ सोमाइथान मन्दिर अगाडि रा २ प ४९११ नम्बरको मोटरसाइकललाई मंगलबार राति करिब ८ बजेतिर ठक्कर दिएको हो ।
गाडी चालकलाई प्रहरीले आफ्नो नियन्त्रणमा लिएको छ भने घाइतेलाई उपचारको लागि लमही अस्पताल लगिएको प्रवक्ता मल्लले जानकारी दिनुभयो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१३ पुष २०७८ ०९:०१
३२ असार २०७९ ०६:४९
©Copyright©2021-2025 शहिद महान स्मृति संचार गृह प्रा.ली.
