तुलसीपुर, १८ वैशाख । तुलसीपुर उद्योग वाणिज्य संघको यही वैशाख २९ गते हुने निर्वाचनको कार्यतालिका सार्वजनिक भएको छ । वैशाख २९ गते हुने निर्वाचनको लागि वैशाख २४ गते बिहान १० बजेदेखि अपरान्ह ३ बजेसम्म उम्मेदवारी मनोनयन दर्ताको समय तोकिएको छ । उम्मेदवारको नामावली प्रकाशन २४ गते नै अपरान्ह साढे ४ बजे गरिने भएको छ । त्यसैगरी उम्मेदवार उपर दावी विरोध वैशाख २५ गते अपरान्ह १ बजेसम्मको समय तोकिएको छ । निर्वाचन समितिका संयोजक प्रविण लम्सालले प्रकाशन गरेको सूचना अनुसार उम्मेदवारको संशोधित नामावली प्रकाशन २५ गते अपरान्ह ३ बजे, उम्मेदवारले नामावली फिर्ता लिने समय २६ गते बेलुका ५ बजेसम्मको समय तोकिएको छ । निर्वाचनको दिन वैशाख २९ गते बिहान ८ बजेदेखि अपरान्ह ५ बजेभित्र मतदाताहरु मतदान स्थलमा प्रवेश गरिसक्नु पर्ने निर्वाचन समितिले जनाएको छ । मतदानमा सहभागी हुने मतदाताले अनिवार्य संघबाट पदान गरेको परिचय पत्र ल्याउनु पर्ने ति बाहेक नागरिकता, राष्ट्रिय परिचय पत्र लगायत पहिचान खुलेको परिचय पत्र बाट समेत मतदान गर्न सकिने जनाएको छ । मतदान कार्यक्रम सकिए लगत्तै मत गणना गरिने निर्वाचन समितिले जनाएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
९ माघ २०७८ १९:५४
९ आश्विन २०८० १९:१३
©Copyright©2021-2024 शहिद महान स्मृति संचार गृह प्रा.ली.
