नेपाल कम्युनिस्ट पार्टीले दिवंगत नेता किसनलाई यसरी सम्झियो, स्मृतिमा शोक कार्यक्रम सम्पन्न

भदौ ७,दाङ ।
नेपाल कम्युनिस्ट पार्टी दाङले पार्टीका दिवंगत नेता भिम बहादुर सी (किसन)को स्मृतिमा शोक कार्यक्रम सम्पन्न गरेको छ ।
शुक्रबार पार्टी जिल्ला समिती दाङको आयोजनामा घोराही-१२ बेलभारमा नेता किसनकै निवासमा शोक कार्यक्रम आयोजना गरिएको हो ।

शोक कार्यक्रममा दिवंगत नेता किसन सीप्रती शोक मन्तव्य व्यक्त गर्दै पार्टीका केन्द्रीय सदस्य एवम दाङका इन्चार्ज सविन सीले बाचुन्जेल उहाँले पार्टी , आन्दोलन एवम सामजिक रुपान्तरणका लागि सम्पुर्ण जीवन व्यतीत गरेको बताउनुभएको थियो ।

उहाँले भन्नुभयो – ‘ जिवनपछि मृत्यु अनिवार्य सर्त हो तर कमरेड किसनले आफ्नो अन्तिम घडिसम्म पनि पार्टी ,राजनीति , आफ्नो परिवार र सामाजिक रुपान्तरणको आन्दोलनमा कहिँकतै चुक्नु भएको होइन । माओवादी जनयुद्ध हुँदै एकीकृत जनक्रान्तीसम्म पनि उहाँले देश , जनताको पक्षमा आफुलाई सदैव समर्पित गरेर अघि बढ्नुभयो , यो उहाँको प्रत्येक नागरिक र पार्टीपंक्तीले सिक्नुपर्ने शिक्षा हो । हामी किसनलाई कहिलै भुल्ने छैनौं । उहाँले मृत्युलाई जित्न सक्नुभएन यो कुरा सत्य हो । जिवनपछि मृत्यु अनिवार्य सर्त हो तर यो उहाँको मृत्युले सिंगो जनमुक्तीको आन्दोलनलाई ठूलो क्षती पुगेको छ ।’

नेता सविनले दिवंगत नेता किसनप्रती पार्टीको तर्फबाट हार्दिक श्रद्धाञ्जली व्यक्त गर्दै शोकसन्तप्त परिवारजन , इष्टमित्र , आफन्तजन एवम सिंगो पार्टीपंक्तीमा गहिरो समवेदना समेत व्यक्त गर्नुभएको थियो ।

यस्तै शोक कार्यक्रममा शोक मन्तव्य व्यक्त गर्दै पार्टीका केन्द्रीय सल्लाहकार समितिका सदस्य सुन्दर सीले किसनको निधनले पार्टीलाई ठूलो क्षती भएको बताउनुभएको हो ।

उहाँले पार्टीका कुशल , इमानदार एवम क्रान्तिकारी योद्धा गुमाउदा सिंगो पार्टीपंक्ती भावविह्वल भएको बताउनुभएको थियो ।

किसनको सपना नेपालमा समाजवादी राज्यव्यवस्था स्थापना गर्नु भएकाले नेकपाले कुनैपनी मूल्य चुकाएर उहाँको सपना पुरा गरिछाड्ने बिश्वास समेत व्यक्त गर्नुभएको थियो ।

नेकपाका केन्द्रीय प्रतिनिधि समितिका सदस्य एवम घोराही उपमहानगर कमिटीका सेक्रेटरी विकाश सीको सहजीकरणबाट सुरु भएको शोक कार्यक्रमको प्रमुख आतिथ्यता पार्टीका केन्द्रीय सदस्य एवम दाङ जिल्ला इन्चार्ज सविन सीको रहेको थियो ।

शोक कार्यक्रममा पार्टीका केन्द्रीय सदस्य एवम दाङ निर्वाचन क्षेत्र नं.१ इन्चार्ज विक्रम सी , पार्टीका केन्द्रीय सदस्य एवम लुम्बिनी प्रदेश जवस/मोर्चा इन्चार्ज सम्झना सी , पार्टीका केन्द्रीय सदस्य एवम दाङ क्षेत्र नं.३ इन्चार्ज प्रदिप सी , पार्टीका केन्द्रीय सदस्य एवम दाङ क्षेत्र नं.२ इन्चार्ज पाटन सी सहित दिवंगत नेता किसन सीका परिवारजनको आतिथ्यता रहेको थियो ।

शोक कार्यक्रमको अध्यक्षता पार्टीका केन्द्रीय प्रतिनिधि सदस्य एवम दाङ जिल्ला सचिव तिलक सीले गर्नुभएको थियो ।

नेपाल कम्युनिस्ट पार्टी दाङ जिल्ला सचिवालय सदस्य भिम बहादुर सी (किसन) सीको भदौ ३ गते ५९ वर्षको उमेरमा दुखद निधन भएको थियो ।