हेमन्तप्रकाश वली ।
कार्तिक ११,घोराही । नेपाल कम्युनिस्ट पार्टी दाङले जिल्लाभरी मसाल जुलुस प्रदर्शन गर्ने भएको छ ।
मंगलबार घोराहीमा बसेको पार्टी जिल्ला कमिटीको बैठकले केन्द्रीय समितिको बैठकले घोषणा गरेका संघर्षका कार्यक्रमहरु कार्यान्वयन गर्ने निर्णय गरेको हो ।
बैठकले पार्टी केन्द्रीय समितिको बिशेष बैठकले घोषणा गरेका संघर्षका कार्यक्रमहरु जिल्लाभरी प्रभावकारी ढंगबाट सञ्चालन गर्ने निर्णय गरेको छ ।
पार्टीले वर्तमान शुसिला कार्की नेतृत्वको सरकार खारेज गरी सर्वपक्षीय अन्तरिम सरकार गठनका लागि कार्तिक १३ गते भित्तेलेखन गर्ने , १५ गते मसाल जुलुस प्रदर्शन गर्ने , १७ गते कोणसभा गर्ने भएको छ ।
यस्तै बैठकले कार्तिक २० गते काठमाडौँमा आयोजित जनसभा सफल पार्न अभियान चलाउने निर्णय गरेको छ।
बैठकमा प्रशिक्षणमुलक मन्तव्य राख्दै पार्टीका पिबिएम शितल सीले नेपाली जनताले देउवा , प्रचण्ड र केपीको नाम समेत लिन नचाइरहेको बताए ।
उनले भने – ‘जेन-जीलाई थाहा नै भएन तर अमेरिकाले नेपाली जनताको आक्रोशमा आफ्नो योजना घुसाउने समय पर्खिरहेको थियो । जेन-जी बिद्रोह नेपाली जनताको आक्रोश र अमेरिकी साम्राज्यवादको योजना समयानुकूल मिल्न गयो । यो बिद्रोहले संसदवादी दलको औचित्य समाप्त पारिदिएको छ । अहिले जनताले देउवा , प्रचण्ड र केपीको नाम समेत लिन चाहिरहेका छैनन् ।’
नेता शितल सीले जेन-जी बिद्रोहले दलाल पुजीवादी सत्तामा धक्का दिएपनि यो साता खारेज नभएको बताए।
सबै परिवर्तनकारी शक्तिहरु मिलेर देश र जनताको बाधक दलाल पुजीवादी सत्ता ढाल्न एकतावद्ध हुनुको विकल्प नरहेको उहाँको जिकिर थियो ।
बैठकमा मन्तव्य व्यक्त गर्दै पार्टीका केन्द्रीय सदस्य एवम जिल्ला इन्चार्ज सविन सीले जेन-जी बिद्रोहले दलाल पुजीवादी बादशाहलाइ घोडाबाट ढाल्न सकिन्छ भन्ने पुष्ठि पुनः गरेको बताए ।
नेता सविनले जेन-जी बिद्रोहले संसदवादी सत्ता भत्काएको , संसदवादी पार्टीहरु भत्किएकाले मुलुकमा आजको दिनमा नेकपाको विकल्प नरहेको बताए ।
उहाँको मुलुकमा अकर्मण्यता, पश्चगामि सोच , यथास्थितिवादी सोच , राष्ट्रघाती प्रवृति विरुद्ध अग्रगामी चिन्तन बोक्ने शक्तिहरुले संकटको निकास दिनुपर्ने भनाई थियो ।
पार्टीका जिल्ला सेक्रेटरी तिलक सीको अध्यक्षता एवम सहजीकरणमा बसेको बैठकमा पार्टीका केन्द्रीय सदस्यहरु सम्झना सी , बिक्रम सी , पाटन सी , निर्मल सी , विकाश सी , गणेश सी , सुरज सी , जिवनी सी लगाएत केन्द्रीय प्रतिनिधि समितिका सदस्यहरुको आतिथ्यता रहेको थियो ।
बैठकले पार्टीका दिवंगत जिल्ला सचिवालय सदस्य शिव सीको शोक प्रस्ताव पारित गरेको हो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२९ चैत्र २०७९ ११:५५
८ मंसिर २०८० ०८:५४
©Copyright©2021-2025 शहिद महान स्मृति संचार गृह प्रा.ली.
