दाङ। तुलसीपुर उद्योग बाणिज्य संघले अहिलेको सन्दर्भमा तुलसीपुरमा कुनैपनि मेला महोत्सव लगाउन नहुने बताएको छ । बाणिज्य संघका अध्यक्ष रामप्रसाद चालिसे र महासचिव विनिल केसीले आइतबार संयुक्त रुपमा एक विज्ञप्ती जारी गर्दै आम व्यापारी व्यवसायीको तीव्र असन्तुष्टी र विरोधका बिच तुलसीपुर उपमहानगरपालिका क्षेत्र भित्रका विभिन्न संघ संस्थाहरुले संचालन गर्न लागेको मेला महोत्सव प्रति तुलसीपुर उद्योग वाणिज्य संघको ध्यानाकार्षण भएको बताएका छन् ।
कोरोना भाइरसको असरका कारण प्रत्यक्ष मार खेपीरहेका व्यवसायीलाई आर्थिक कारोबार गर्ने उपयुक्त सिजन सुरु हुनै लाग्दा सरोकारवालाहरुसंग कुनै परामर्श नगरी मेला महोत्सवको आयोजना गरिनु सही नभएको उनीहरुको तर्क छ । कोरोना भाइरसको तेस्रो नयाँ भेरियन्ट ओमिक्रोनको संक्रमणको त्रास बढी रहेको समयमा उद्योग बाणिज्य संघले पनि मेला महोत्सव नलगाउने र अरुले पनि लगाउन नहुने जारी विज्ञप्तिमा उल्लेख गरिएको छ।
बाणिज्य संघका व्यवसायीको हकहित र मर्म अनुसार संधै साथसाथै यात्रा गर्न तयार रहेको भन्दै व्यवसायीको सहमति तथा सहकार्य बिना मेला महोत्सव लगाउन नहुने अध्यक्ष चालिसे र महासचिव केसीले जारी गरेको विज्ञप्तीमा मार्फत आग्रह गरेका छन् ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१२ श्रावण २०७८ १८:१०
२३ श्रावण २०७८ १४:४२
९ असार २०८० १९:४६
©Copyright©2021-2024 शहिद महान स्मृति संचार गृह प्रा.ली.
