दाङ ,२४ पुस । दाङमा बाघको छालासहित चारजनालाई पक्राउ गरिएको छ । जिल्ला प्रहरी कार्यालय दाङका अनुसार लमही नगरपालिका वडा नं. ३ टिकुलीगढमा बाघको छालाको कारोवारकालागि मोलमोलाई भइरहेको सूचनाका आधारमा प्रहरीले चारजनालाई नियन्त्रणमा लिएको हो ।
पक्राउ पर्नेमा घोराही उपमहानगरपालिका वडा नं. १३ झरना टोल घर भई हाल लमही नगरपालिका ३ टिकुलीगढमा कोडाभाडामा बस्ने ४५ वर्षीय शंकर गिरी, उनकी श्रीमती ४२ वर्षीया झरना गिरी (थापा), लमही नगरपालिका १ नर्ती निवासी ६३ वर्षीय गिर बहादुर बिश्वकर्मा र लमही नगरपालिका २ बरुवागाउँ निवासी २८ वर्षीय आशा कुमार चौधरी रहेका छन् ।
प्रहरीका अनुसार विश्वकर्मा र चौधरीले अन्यत्रबाट बाघको छाला ल्याएर गिरी दम्पतीलाई बेच्नकालागि मोलमोलाई भइरहेको थियो । पक्राउ परेका उनीहरुलाई आबश्यक कारवाहीकालागि डिभिजन बन कार्यालयमा बुझाईएको छ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
३० जेष्ठ २०८० ११:३२
२७ असार २०७९ २२:१८
१४ फाल्गुन २०७९ २०:४१
©Copyright©2021-2024 शहिद महान स्मृति संचार गृह प्रा.ली.
