फुटबल संघको अध्यक्षमा संजात धिताल

डेली न्युजराप्ती       १० बैशाख २०७९ २०:१२ मा प्रकाशित     278 No Comments

वैशाख १० दाङ । दाङ जिल्ला फुटबल संघको अध्यक्षमा संजात धिताल निर्वाचित हुनु भएको छ।
संघको आज सनिवार बेलझुण्डिमा सम्पन्न जिल्ला अधिवेशन, निर्वाचन तथा साधारण सभाले आगामी चार वर्ष कार्यकालका लागि धिताल अध्यक्ष रहेको संघको १५ सदस्यीय नयाँ नेतृत्व सर्वसहमतिले निर्वाचित गरेको हो । जसअनुसार संघको वरिष्ठ उपाध्यक्षमा बुद्धि राम पुन,उपाध्यक्ष द्वयमा पवन कुमार योगि र अशोक रोकामगर,महासचिव लक्ष्मण बस्नेत,काेषाध्यक्षमा वसन्त पुरी हुनुहुन्छ । त्यस्तै संघको सदस्यहरूमा महिला सदस्य प्रकृति पुन,सदस्य सन्तोष गुरुङ,बिजय डागी,भिम बहादुर चौधरी,अम्मर मगर,केशव चौधरी,टोप बिक्रम राणा,शरद गौतम र गोपाल कवर निर्वाचित भएको निर्वाचन समितिका संयोजक अधिवक्ता प्रेम बहादुर ओलिले जानकारी दिनुभएको छ ।

अधिवेशन दाङ जिल्ला फुटबल संघका अध्यक्ष सुशील श्रेष्ठको अध्यक्षता तथा अखिल नेपाल फुटबल संघ एन्फाका केन्द्रिय सदस्य एवं अधिवेशन प्रतिनिधि प्रदेश सिह राठोरको प्रमुख आतिथ्यमा भएको थियो । सो अबसरमा संघका निर्वाचित अध्यक्ष लगाएत पदाधिकारी लाई निर्वाचन समितिका संयोजक अधिवक्ता प्रेम बहादुर ओलिले पदभार ग्रहण गराउनु भएको थियो । कार्यक्रममा प्रमुख अतिथी अखिल नेपाल फुटबल संघ एन्फाका केन्द्रीय सदस्य प्रदेश सिह राठोर, निर्वाचन समितिका संयोजक अधिवक्ता प्रेम बहादुर ओलि,पुनरावेदन समितिका संयोजक अधिवक्ता राम शरण चौधरी, जिल्ला खेलकुद बिकास समितिका कार्यालय प्रमुख तथा निर्वाचन समिती सदस्य पद्मा चौधारी लगाएतले बधाई तथा शुभकामना व्यक्त गर्नु भएको थियो । यसैबिच अधिवेशन लगत्तै बसेको संघको पहिलो बैठकले अखिल नेपाल फुटबल संघ एन्फाको बिधान अनुसार संघको महासचिव पदमा लक्ष्मण बस्नेत र काेषाध्यक्षमा वसन्त पुरी लाई मनोनित गरेको हो । त्यस्तै बैठकले सर्वसहमतिको प्रयासबाट संघको नयाँ नेतृत्व चयन र अधिवेशन सफल बनाउन महत्त्वपूर्ण भूमिका निर्वाह गर्ने दाङ जिल्ला फुटबल संघका निवर्तमान अध्यक्ष,पदाधिकारी, निर्वाचन समिती, पुनरावेदन समिती,दाङ जिल्ला खेलकुद बिकास समिती, खेलप्रेमी,खेलाडी, शुभचिन्तक लगाएत सबैमा हार्दिक आभार तथा धन्यवाद ज्ञापन गरेको छ।

डेली न्युजराप्ती

सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।