तुलसीपुर । दाङको तुलसीपुरमा जिपको ठक्करबाट मोटरसाइकल चालक गम्भिर घाइते भएका छन । घाइते हुनेमा तुलसीपुर २ निवासी २६ वर्षीय नोखीराम खड्का रहेको इलाका प्रहरी कार्यालय तुलसीपुरका प्रहरी निरीक्षक पर्वत केसीले जानकारी दिनुभएको छ । तुलसीपुरबाट बागर तर्फ जादै गरेको बा ६३ प ७००६ नम्बरको मोटरसाइकललाई विपरित दिशाबाट आउदै गरेको रा १ च १०७२ नम्बरको जिपले मंगलबार साँझ ७ बजेको समयमा तुलसीपुर ८ अस्वारा ओरालो नजिकै ठक्कर दिदा दुर्घटना भएको प्रहरीले जनाएको छ ।
दुर्घटनामा परी गम्भिर घाइते भएका खड्कालाई राप्ती प्रादेशिक अस्पताल तुलसीपुरमा सामान्य उपचार पछि थप उपचारका लागी नेपालगञ्ज रिफर गरिएको प्रहरीले बताएको छ । खड्काको अहिले आइसियुमा राखेर उपचार भइरहेको र अझै होसमा आउन नसकेको उपचारमा संलग्न उहाका भिनाजु सुवास अधिकारीले जानकारी दिनुभएको छ । जिपसहित जिपचालक बबई गाउँपालिका ४ का ३६ वर्षीय डिल्ली बहादुर बिकलाई नियन्त्रणमा लिएर घटनाको विषयमा अनुसन्धान भइरहेको प्रहरीले जनाएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2025 शहिद महान स्मृति संचार गृह प्रा.ली.
