जेष्ठ ८ , तुलसीपुर । अमृतपुर खानेपानी उपभोक्ता तथा सरसफाइ संस्था तुलसीपुर ९ नमुनानगरका उपभोक्ताहरुले तुलसीपुर उपमहानगरपालिकाको गेटमा धर्ना दिएका छन् ।
खानेपानी संस्थाका तुलसीपुर ३ , ८ र ९ का उपभोक्ताहरुले आज बिरोध र्यालीसहित उपमहानगरको गेटभित्र धर्ना तथा नाराजुलुस गरेका हुन् ।
खानेपानी संस्थाका अध्यक्ष चन्द्रकान्त शर्मा खरेल , सचिव दशरथ वली र कोषाध्यक्ष केशब वलीले संस्थाको खातबाट आफुखुसी मनोमानी ढंगले लाखौं रकम अनियमितता गरेपछी आन्दोलित बनेका उपभोक्ताहरुले बुधबार खानेपानी संस्थामा तालाबन्दी गरेका थिए ।
आज शुक्रबार आन्दोलित उपभोक्ताहरुले स्थानीय सरकार तुलसीपुर उपमहानगरपालिकामा बिरोध र्याली गरेका हुन् । उनिहरुले उपमहानगरपालिकामा नाराजुलुस गर्दै खानेपानीमा भएको आर्थिक अनियमितता छानविन गर , असक्षम कार्यसमिति निलम्बन गर लगाएतका नाराहरु लगाएतका थिए ।
यस्तै उपभोक्ताहरुको बिरोध र्यालीमा बोल्दै तुलसीपुर -११ का वडा अध्यक्ष मान वहादुर रावतले उपभोक्ताहरुका माग सम्बोधनका लागि कार्यपालिकाको बैठकमा यो मुद्दा एजेन्डाका रुपमा लिएको बताए । उनले यहीँ १० गतेपछि छानविन समिती वनाएर संस्थामा आर्थिक अनियमितता भए-नभएको सत्यतथ्य छानविन गरिने प्रतिबद्धता समेत व्यक्त गरेका थिए ।
बिरोध र्यालीमा सयौं उपभोक्ताहरु पोस्टर , पम्प्लेटसहित प्रदर्शनमा उत्रीएका थिए ।
यस्तै खानेपानी संस्थामा अनियमितताबारे छानविन गर्न तुलसीपुर उपमहानगरपालिकाले तुलसीपुर -११ का वडा अध्यक्ष मान बहादुर रावतको संयोजकत्वमा तुलसीपुर ३ ,८ र ९ का वडा अध्यक्षहरु सम्मीलित ५ सदस्यीय कार्यदल गठन गरेको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२३ बैशाख २०७९ १८:०१
२९ फाल्गुन २०८० १४:३०
४ भाद्र २०७९ २२:२२
१३ श्रावण २०८० २१:२४
©Copyright©2021-2024 शहिद महान स्मृति संचार गृह प्रा.ली.
